ახალციხის სასოფლო-სამეურნეო მომსახურების ცენტრს 2 ტრაქტორი შეემატა. ტექნიკა იაპონიის საელჩომ ცენტრს სოფლის მეურნეობის ტექნიკის გაუმჯობესების პროექტის ფარგლებში გადასცა. საგანგებო და სრულუფლებიანმა ელჩმა მასაოში კამოჰარამ პროექტი საზეიმოდ გახსნა და ორი ქვეყნის იაპონიისა და საქართველოს ურთიერთობაზე ისაუბრა. პროექტის პრეზენტაციას საელჩოს წარმომადგენლებთან ერთად სტუმრები სოფლის მეურნეობის სამინისტროსა და ადგილობრივი ხელისუფლებიდანაც ესწრებოდნენ.ახალციხის სასოფლო-სამეურნეო მომსახურების ცენტრის ბაზაზე დღეისათვის უკვე 4 ტრაქტორია. ცენტრის გამგეობის თავმჯდომარის განმარტებით, ტექნიკა თავდაპირველად იმ ფერმერებს მოემსახურება, რომლებიც პარტნიორი ასოციაციის წევრები არიან, შემდეგ კი ტრაქტორის მომსახურებით დანარჩენი ფერმერები ისარგებლებენ.