ახალციხის სახელმწიფო სასწავლო უნივერსიტეტის მინი სტადიონზე, დღეს, მინი ფეხბურთში ფინალური შეხვედრა გაიმართა, სადაც ერთმანეთს ეკონომიური და ჰუმანიტარული ფაკულტეტის მეოთხე კურსის სტუდენტები დაუპირისპირდნენ.

დაძაბული თამაშის შემდეგ ანგარიში 6:3 ჰუმანიტარული ფაკულტეტის სასარგებლოდ დასრულდა.
მონაწილეებმა სიგელები, ხოლო ფინალში გამარჯვებულმა გუნდმა სასწავლებლისგან თასი და ზამთარის პერიოდში, ბაკურიანის ორდღიანი საგზური მიიღო.

შიდა საუნივერსიტეტო ჩემპიონატი, სტუდენტური თვითმართველობისა და საზოგადოებასთან ურთიერთობის სამსახურის ორგანიზებით ჩატარდა. ტურნირი 8 ოქტომბერს დაიწყო. მასში უნივერსიტეტის 14 გუნდი იყო ჩართული.

ახალციხის სახელმწიფო სასწავლო უნივერსიტეტი სპორტული ჩემპიონატების გამართვას მომავალშიც გეგმავს. მის ფარგლებში შემდეგი კვირიდან ფაკულტეტებს შორის კალათბურთის ტურნირი დაიწყება.