ახალციხისა და ახალქალაქის მუნიციპალიტეტებში კარდაკარის წევრებისთვის ტრენინგები დაიწყო. ცენტრალურ საარჩევნო კომისიაში გადამზადებული ტრენერები რამდენიმე საათის მანძილზე მსმენელებს კარდაკარის წესებს, უფლებებსა და მოვალეობებს აცნობენ. ტრეინინგები დღეში 2-ჯერ, ახალციხის საოლქო საარჩევნო კომისიაში ტარდება. კარდაკარისთვის წევრების რეგისტრაცია 150-ით მეტმა ადამიანმა გაიარა, საბოლოოდ რეგიონის მასშტაბით 544, ახალციხის მუნიციპალიტეტში კი 112 ადამიანი შეირჩა. ტრენინგები ბორჯომში და ნინოწმინდაში 4 აპრილიდან დაიწყება, ადიგენისა და ასპინძის მუნიციპალიტეტში კი უკვე ჩატარდა. კარდაკარის პრინციპით ცესკოს მიერ მოწოდებული სიების გადამოწმება 20 აპრილიდან დაიწყება და 10 ივნისამდე გასტანს. კარდაკარის წევრები ანაზღაურებას ერთჯერადად 187 ლარს აიღებენ.