ადიგენის მუნიციპალიტეტის გამგებლობის კანდიდატების მომხრეები დღეს ერთმანეთს კულტურის სახლში დაუპირისპირდნენ. სადაც ,,ქართული ოცნება დემოკრატიული საქართველოს" დამფუძნებელი კრება უნდა ჩატარებულიყო. დღევანდელ შეხვედრაზე პარტიის რაიონულიორგანიზაციისთავმჯდომარე უნდა დაესახელებინათ. ყრილობა დღის ორი საათისათვის იყო დაგეგმილი, სადაც თავმჯდომარის პოსტზე გამგებლობის კანდიდატობიდან ერთერთი ლევან ლობჟანიძე უნდა დასახელებულიყო, როგორც თავად ამბობს, ეს შეთავაზება მან ოცნების ცენტრალური ოფისიდან მიიღო. აღნიშნულს წინააღმდეგობა დღეს მუნიციპალიტეტის გამგებლობის კიდევ ერთი კანდიდატის ინა კაპანაძის მომხრეებმა გაუწიეს, როგორც ისინი ამბობენ პარტიის დამფუძნებელი კრება დაბაში ისე დაინიშნა, რომ მათ ამის შესახებ არაფერი იცოდნენ. ინა კაპანაძის მომხრეები ლევან ლობჟანიძის კანდიდატურას აპროტესტებენ.

პარტიისთავმჯდომარეობისათვის თითოეულ კანდიდატს ოცნების წევრების მანდატების უმრავლესობა უნდა ჰქონდეს, ცენტრალურ ოფისში ადიგენიდან სულ 98 მანდატი გადაიგზავნა, თუმცა ოცნების წევრებზე დღეს მხოლოდ ნაწილის გადაცემა მოხდა. ინა კაპანაძის მომხრეები ამბობენ, რომ მიუხედავად იმისა, რომ წინასაარჩევნო აგიტაციაში აქტიურად იყვნენ ჩართულნი მანდატების გარეშე დარჩნენ, ლევან ლობჟანიძის მხარდამჭერები კი აცხადებენ, რომ პარტიაში მხოლოდ ის წევრები უნდა იყვნენ, რომლებსაც სხვა პარტიის მანდატები არ ექნებათ. ორ ჯგუფად გაყოფილი ქართული ოცნების აქტივისტების დაპირისპირება კულტურის სახლში 2 საათს გაგრძელდა. რის შემდეგაც დეგეგმილი ყრილობა ჩაშლილად გამოცხადდა. მანდატების გარეშე დარჩენილი ინა კაპანაძის მომხრეები ამბობენ, რომ ისინი დანებებას არ აპირებენ და საკუთარი კანდიდატის გამარჯვებისათვის ბრძოლას გააგრძელებენ. კიდევ როდის ჩატარდება ,,ქართული ოცნება დემოკრატიული საქართველოს" დამფუძნებელი კრება ადიგენში ეს ჯერ გადაწყვეტილი არ არის.