რეგიონული განვითარების ასოციაცია 3 წლიან პროექტს იწყებს. ორგანიზაცია ახალციხის მუნიციპალიტეტის 17 სოფლიდან კონკურსის წესით შერჩეულ 5 სოფელში ინფრასტრუქტურული პროექტებისთვის 10-ათას დოლარიან გრანტებს გასცემს. პროექტები იმ სოფლებში განხორცილელდება, სადაც ბაქო-თბილისი-ჯეიჰანის მილსადენმა გაიარა. უპირატესობა იმ საკითხს მიენიჭება, რომელიც სოფლის თითოეულ მოსახლეს ეკონომიკურად წაადგება. იგივე ორგანიზაცია სოფლად დამწყები ბიზნესმენებისთვის 1200 დოლარიან გრანტსაც გასცემს. სიახლის შესახებ ასოციაციის წარმომადგენელმა ახალციხის მუნიციპალიტეტის გამგეობის სამსახურის უფროსებთან, გამგებლის მოადგილეებთან და სოფლის რწმუნებულებთან ერთად თათბირზე ისაუბრა.