26 ნოემბერს ქვეყნის ახლადარჩეულმა პარლამენტმა მთავრობის ახალ შემადგენლობას გამოუცხადა ნდობა. ქვეყანას ახალი მთავრობა ჰყავს. როგორც ცნობილია -მთავრობის შემადგენლობის დამტკიცებამდე პარლამენტი წარდგენილ „სამთავრობო პროგრამას“ განიხილავს. ანუ -განიხილავს იმ გეგმას, რომლითაც მომდევნო 4 წლის განმავლობაში უნდა იხელმძღვანელოს მთავრობა.

პატივცემული მკითხველის ყურადღებას წარმვუდგენთ 2016-20წწ სამთავრობო პროგრამის იმ მონაკვეთს, რომელიც ეროვნული უმცირესობების მიმართ ხელისუფლების ხედვა-გეგმას ასახავს.

„...ეროვნული უმცირესობების უფლებების დაცვისა და რეალიზების უზრუნველსაყოფად განხორციელდება სამოქალაქო თანასწორობისა და ინტეგრაციის 2015-2020 წლების სამოქმედო გეგმა. საქართველოს ყველა მოქალაქეს, განურჩევლად ეთნიკური წარმომავლობისა, ექნება შესაძლებლობა, სრულფასოვნად ჩაერთოს საზოგადოებრივი ცხოვრების ყველა სფეროში, ქვეყნის ეკონომიკურ განვითარებაში, პოლიტიკურ და სამოქალაქო პროცესებში.

განსაკუთრებით პრიორიტეტული იქნება სახელმწიფო ენის ცოდნის დონის გაუმჯობესება, შესაბამისად, გაიზრდება სახელმწიფო ენის სწავლების პროგრამების ეფექტიანობა, გაფართოვდება წვდომა სახელმწიფო ენი ... »»»

ქვეყანაში საპარლამენტო არჩევნები დასრულდა, მეცხრე მოწვევის პარლამენტის 150 დეპუტატმა კი უკვე დადო ფიცი კეთილსინდისიერად შეასრულონ საქართველოს ხალხის ნდობის გამოჩენის შედეგად დაკისრებული მოვალეობები, დაიცვან ქვეყნის კონსტიტუციური წესრიგი.

საქართველოს კონსტიტუცია -სახელმწიფოს უზენაესი კანონია, რომელიც დეკლარირებს და გარანტირებს ქვეყნის მოქალაქეების, მიუხედავად მათი ეროვნების, რასისა და კულტურული კუთვნილობისა, სოციალურ და პოლიტიკურ თანასწორუფლებიანობის რეალიზებას. ქვეყნის კონსტიტუცია -გარანტია სახელმწიფოში აღმსარებლობის თავისუფლებისა და პირადი, საზოგადოებრივი და პოლიტიკური ცხოვრების ყველა სფეროში თვითგამოხატვის თავისუფლების უზრუნველყოფის.

მიუხედავად იმისა, რომ ჩვენს სახელმწიფოს უკვე 25 წელი შეუსრულდა, სამწუხაროდ, მრავალრიცხოვანი საკითხი, დაკავშირებული ქვეყნის მოქალაქეების -სხვადასხვა ეროვნული ჯგუფების სოციალურ–პოლიტიკურ სრულყოფილ ჩართულობასთან, ინტეგრაციასთან, დაკავშირებული სხვადასხვა ჯგუფებს შორის ჭეშმარიტ თანასწორუფლებიანობის უზრუნველყოფასთან, ქვეყნის რეგიონებისა და სხვა სუბიექტების თანასწორუფლებიანობის საკითხები, ჯერ კიდევ გადაუჭრელ საკითხებს შორისაა და აუცი ... »»»

საქართველოს განათლებისა და მეცნიერების სამინისტროს მიერ გავრცელებული ინფორმაციის თანახმად მთელი ქვეყნის მასშტაბით 10 ივნისამდე საჯარო სკოლებში სამეურვეო საბჭოს არჩევნები უნდა გაიმართოს. სამეურვეო საბჭო, არსებული კანონმდებლობის თანახმად -ის ორგანოა, რომელიც უფლებამოსილია აირჩიოს სკოლის დირექტორი.

„სამეურვეო საბჭო კონკურსგავლილი დირექტორობის კანდიდატებიდან ირჩევს დირექტორს სიითი შემადგენლობის უმრავლესობით, ფარული კენჭისყრით, თავისუფალი და თანასწორი არჩევნების საფუძველზე“ (საქართველოს კანონი „ზოგადი განათლების შესახებ“, 2 პუნქტი, მუხლი 42).

თუმცა, როგორც ირკვევა, ჩვენს ქვეყანაში ჯერ კიდევ არსებობს ისეთი სასწავლო დაწესებულებები, სადაც კანონი სრული ძალით ვერ ფუნქციონირებს.

რამდენიმე დღის წინ ინტერნეტ-გამოცემა Jnews-მა გამოაქვეყნა სტატია სათაურით „სოფელ ვაჩიანის სკოლა ახალ დირექტორს ირჩევს“. სტატიაში სოფელ ვაჩიანში მდებარე სკოლის ახალი დირექტორის დანიშვნაზეა საუბარი. თითქოს და ჩვეულებრივი ამბავი... მაგრამ, რეგიონის რეალობა ოდნავ განსხვავდება კანონით დადგენილი წესისგან.

აღნიშნულ სტატიაში მოყვანილია ადგილობრივი რესურს ცენტრის ხელმძღვანელის, ... »»»

საქართველოში სომხეთის რესპუბლიკის საელჩო სრულად ინფორმირებულია 23-24
აპრილს, ახალციხეში ქართველ და სომეხ ახალგაზრდებს შორის მომხდარი
შელაპარაკებისა და მას მოყოლილ ადგილობრივი პოლიციის წარმომადგენლების მიერ
განხორციელებული ქმედებების შესახებ.

მომხდარი ინციდენტის სრული სურათის გასარკვევად საქართველოში სომხეთის
რესპუბლიკის საელჩომ შესაბამის უწყებებს უკვე მიმართა.

პრობლემის დროული გადაჭრის და აუცილებელი ნაბიჯების გადადგმის მიზნით
საელჩო ასევე კავშირი ადგილობრივი ხელისუფლების წარმომადგენლებთან
დაამყარა. ამ დროისთვის ინციდენტში მონაწილე არც ერთი ახალგაზრდა
დაკავებული არ არის.

უახლოეს დროს საქართველოში სომხეთის რესპუბლიკის ელჩი იური ვარდანიანი
სამცხე–ჯავახეთს ეწვევა, სადაც შეხვედრებს გამართავს როგორც სომეხი
მოსახლეობის წარმომადგენლებთან ასევე ადგილობრივ ხელისუფლებასთან.

13 აპრილს, საქართველოს პარლამენტში დეპუტატ სამველ პეტროსიანმა 1915-23წწ სომეხთა გენოციდის ფაქტის აღიარებისა და დაგმობის მოთხოვნით წარსდგა. თუმცა, საპარლამენტო უმრავლესობის წევრის საპასუხო კომენტარი მიგვანიშნებს იმაზე, რომ სომეხთა გენოციდის აღიარების საკითხს, საქართველოში, აშკარად სხვა კონტექსტში განიხილავენ. პატივცემულ მკითხველს 13 აპრილს, პარლამენტში, პლენარული სხდომის დროს გაჟღერებულ განცხადებების სინქრონს წარვუდგენთ.

სამველ პეტროსიანი (დეპუტატი, პარტია „ერთიანი ეროვნული მოძრაობა“).

ძვირფასო კოლეგებო,

საქართველო წარმოადგენს მრავალეროვან სახელმწიფოს და ყველანი ჩვენ ვართ ერთი და იმავე ქვეყნის შვილები. უნდა ვიცხოვროთ ერთიან და მშვიდობიან საქართველოში. ამიტომ უნდა ავღადგინოთ ისტორიული სამართლიანობა, ის რაც 100 წლის წინ მოხდა ოსმალეთის იმპერიაში, მხედველობაში მაქვს სომეხი ერის გენოციდი.

ეს არის სომეხი ერის უდიდესი ტრავმა. გენოციდი აღიარებულია უამრავი საერთაშორისო ორგანიზაციებისა და სახელმწიფოების მიერ. (ხმაური დარბაზში. ხმაურის სავარაუდო წყარო -დეპუტატი აზერ სულეიმანოვი -რედ.).

ჩვენც, როგორც დემოკრატიულმა ქვეყანამ უნდა ვაღ ... »»»

ქალაქ ახალციხის სიმბოლოები დამტკიცდა. საკრებულოს დეპუტატებმა განსახილველად გატანილ საკითხს მხარი ერთხმად დაუჭირეს. ახალი გერბისა და დროშის ავტორი სამხატვრო სკოლის დირექტორი ნანა ნათენაძეა. ჰერალდიკის საბჭომ უპირატესობა სწორედ მის ნამუშევარს მიანიჭა და პროექტის საბოლოო დახვეწაში დაეხმარა.

„უკან მწვანე ველზე გამოსახულია ახალციხის ციხე. წინ არის ლომი, რომელიც სიძლიერის სიმბოლოა. მას ხელთ უპყრია ოქროს გასაღები. ამ გასაღებსაც თავისი დატვირთვა აქვს. არის მეწამული ფერის ჯვარი. ზუსტად ასეთი ჯვარი არის ახალციხის ციხის ტერიტორიაზე, ქვაზე ამოტვიფრული. ეს ჯვარი ავიღე იქიდან“ – აცხადებს ქალაქის ახალი სიმბოლოების ავტორი.

შეგახსენებთ, რომ ქალაქის ჰერალდიკის კომისიამ, სიმბოლოების შესარჩევად კონკურსი სამჯერ გამოაცხადა. იმის გამო, რომ წარმოდგენილმა ესკიზებმა შესაბამისი კრიტერიუმები ვერ დააკამყოფილა, პირველი ორი კონკურსი ჩაიშალა.

... »»»

სოფლის მეურნეობის მინისტრი, სამცხე–ჯავახეთში ვიზიტის ფარგლებში, ახალციხეში სურსათის ეროვნული სააგენტოს რეგიონულ სამმართველოსა და სოფლის მეურნეობის სამინისტროს ლაბორატორიას ესტუმრა. ოთარ დანელიამ ობიექტები დაათვალიერა და მისი მუშაობის სპეციფიკას გაეცნო.

სამცხე-ჯავახეთის რეგიონული ოფისი 2014 წელს გარემონტდა, კეთილმოეწყო ეზო, აშენდა ვაქცინების შესანახი სამაცივრე საწყობი, ავტოპარკს დაემატა 5 ახალი ავტომანქანა და 4 სპეცავტომობილი სამაცივრე დანადგარით.

რაც შეეხება ლაბორატორიას, დაწესებულება სოფლის მეურნეობის სამინისტროს ბაზაზე 2014 წლიდან ფუნქციონირებს. იგი რეგიონულ დონეზე ლაბორატორიული კვლევების სპექტრის გაფართოებაზე, ახალი მეთოდების ვალიდაციაზე და აკრედიტაციის სფეროში დამატებაზე ინტენსიურად მუშაობს.

ლაბორატორიაში დაინერგა სურსათისა და წყლის მიკრობიოლოგიური და ქიმიური კვლევები, ხორციელდება ცხოველთა დაავადებების პირველადი და დამადასტურებელი დიაგნოსტიკა.

2015 წელს გამოკვლეული ნიმუშების რაოდენობა წინა წლებთან შედარებით 345%-ით გაიზარდა. ამავე წლის იანვრიდან ახალციხის ზონალურ-დიაგნოსტიკურმა ლაბორატორიამ ISO 17025 საერთაშორისო აკრედიტაცია მიი ... »»»

სოფელ აწყურთან საავტომობილო შემთხვევის შედეგად ერთი ადამიანი გარდაიცვალა, ერთი კი მსუბუქად დაშავდა. „გალფის“ დიზელის გადამზიდი ავტომობილი გადაბრუნდა და დისტრიბუციის მიკროავტობუსს შეეჯახა, შედეგად დიზელმზიდის მღოლის გადარჩენა ვეღარ მოხერხდა. სასწრაფო სამედიცინო დახმარების ჯგუფის განმარტებით, მამაკაცს ჭრილობა ყელის არეში ჰქონდა მიყენებული.

შემთხვევა დღეს, 11 მარტს 15:40 საათზე მოხდა. სამაშველო სამსახურის თანამშრომლები სპეციალური ტექნიკით, საწვავით დატვირთული ავტომობილის გადატანას რამდენიმე საათის განმავლობაში ცდილობდნენ. შეფერხებული იყო საავტომობილო მოძრაობა.
თვიოთმხილველები ამბობენ, რომ ავტომანქანა გადაჭრაბებული სიჩქარით მოძრაობდა, რის გამოც მძღოლმა საჭე ვერ დაიმორჩილა, გადაბრუნდა. ავტოსაგზაო შემთხვევის შემდეგ, ავზიდან დიზელი გაზაზე გადმოიღვარა.

შსს–ს ინფორმაციით, გამოძიება საქართველოს სსკ-ის 276-ე მუხლის მე-5 ნაწილით მიმდინარეობს, რაც ტრანსპორტის უსაფრთხოების ან ექსპლოატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. აღნიშნული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების, ან საქმიანობის ... »»»

საქართველოს პრემიერ მინისტრი დღეს სამცხე–ჯავახთს ესტუმრა. ვიზიტის ფარგლებში გიორგი კვირიკაშვილმა საფარის სამონასტრო კომპლექსამდე მისასვლელი გზის სარეაბილიტაციო სამუშაოები მოინახულა.

7 კილომეტრიანი გზის მონაკვეთის აღდგენითი სამუშაოები მსოფლიო ბანკისა და საქართველოს მთავრობის თანადაფინანსებით მიმდინარეობს. პროექტის ღირებულება, რომელსაც მუნიციპალური ფონდი ახორციელებს 3 198 099,81 ლარია.

დღესვე პრემიერ მინისტრმა და ბორჯომში „მცირემეწარმეობის პროგრამის“ ფარგლებში მოქმედი, ბორის თათეშვილის საიუველირო–სადურგლო საამქო ახალციხეში და თემურ მაისურაძის „ამხანაგობა ჩუქურთმა“ მოინახულა.

გიორგი კვირიკაშვილი ასევე, ესტუმრა სოფელ წნისში მდებარე შეღავათიანი აგროკრედიტის პროექტის ფარგლებში დაფინანსებულ მეცხოველეობის ფერმას, რომლის შემადგენლობაშიც 25 ჰექტარი სახნავ-სათესი მიწა, 150 ჰექტარი საძოვარი, 5 ჰექტარზე გაშენებული ვაშლის ბაღი, ხილისა და ბოსტნეულის შემნახველი სამაცივრე მეურნეობა, რძის გადამამუშავებელი საწარმო და პირუტყვის საკვების მწარმოებელი საწარმო შედის.

პრემიერ მინისტრის სამცხე–ჯავახეთში ვიზიტი ბორჯომში დასრულდა, სადაც გიორგი კვირიკაშვილმა ხუ ... »»»

ადიგენის მუნიციპალიტეტის სოფელ ადიგენში მუსლიმებსა და ქრისტიანებს შორის დაპირისპირება შთანხმებით დასრულდა. ორი კონფესიის წარმომადგენლების მიერ მიღებული გადაწყვეტილებით, სოფელს საერთო სასაფლაო ექნება, რომელსაც შუაში ღობე გაყოფს. ერთ მხარეს მიცვალებულებს მუსლიმები, ხოლო მეორე მხარეს ქრისტიანები დაკრძალავენ. შესაბამისად სასაფლაოს ორი შესასვლელი ექნება.

აღნიშნული გადაწყვეტილება მხარეებმა დღეს, 2 მარტს გამართულ შეეხვედრაზე მიიღეს, რომელსაც მუნიციპალიტეტისა და რეგიონის პირველი პირები, ორივე რელიგიური თემის წარმომადგენლები და სასულიერო პირები დაესწრნენ.

სამცხე–ჯავახეთის გუბერნატორის აკაკი მაჭუტაძის თქმით, ინციდენტი ხელოვნურად მართული და პროვოცირებული იყო.
შეთანხმების შემდეგ, ის ტერიტორია დაათვალიერეს, სადაც საერთო სასაფლაო უნდა მოეწყოს.

შეგახსენებთ, რომ მუსლიმებსა და ქრისტიანებს შორის, სოფელ ადიგენში დაიპრისპირება 29 თებერვალს დაიწყო. ქრისტიანების უკმაყოფილება მუსლიმებისთვის სოფელში სასაფლაოს გამოყოფის საკითხმა გამოიწვია. ქრისტიანი მოსახლეობა ირწმუნებოდა, რომ მუსლიმეების სასაფლაოსათვის ტერიატორიის გამოყოფას არ დაუშვებდნენ.

ახალციხეში, ნინოწმინდასა და ახალქალაქში „ქართული ოცნების“ პარტიული ყრილობა გაიმართა. რეგიონს პარტიის გენერალური მდივანი კახა კალაძე და აღმასრულებელი მდივანი ირაკლი კობახიძე ესტუმრნენ. მათი ვიზიტის მიზანს რაიონული ორგანიზაციების თავმჯდომარეების არჩევა წარმოადგენდა.

ახალციხეში კოალიციის რაიონული ორგანიზაციის თავმჯდომარე ქალაქის მერი გიორგი კოპაძე გახდა. იგი დელეგატებმა მეორედ აირჩიეს. ახალაქლაქში, ამავე მუნიციპალიტეტის გამგებელი – ედუარდ აღასარიანი და ნინოწმინდაში – გიორგი ზემოიანი.

„ქართული ოცნების“ აღმასრულებელი მდივნის ირაკლი კობახიძის განმარტებით, ამით სამცხე–ჯავახეთში რაიონული ორგანიზაციების თავმჯდომარეების არჩევა დასრულდა.

იძულებით გადაადგილებულ 26 ოჯახს ახალციხეში დევნილთა და განსახლების მინისტრმა და ახალციხის მერიის პირველმა პირებმა ბინის გასაღები გადასცეს. მათი უმეტესობა ნაქირავებ ბინებში გაუსაძლის პირობებში ცხოვრობდა. სამინისტრომ დევნილებისთვის რუსთაველის 113 ნომერში მდებარე კორპუსი გაარემონტა. რეაბილიტირებულ შენობაში სულ 66 ბინაა, აქედან 13 - ერთოთახიანია, 35 - ოროთახიანი და 18 - სამოთახიანი.

ბინების გადაცემამდე იძულებით გადაადგილებულ პირთა შორის კენჭისყრა ჩატარდა, რომლის მეშვეობითაც გამოვლინდა, ვინ რამდენოთახიან ბინას და რომელ სართულზე მიიღებდა. ახალმოსახლეებს შორის ვერ მოხვდა ახალციხეში რეგისტრირებული 40–მდე ოჯახი, რამაც უბინაოდ დარჩენილთა უკმაყოფილება გამოიწვია.

ცენტრალურ უწყებაში განმარტავენ, რომ ახალციხეში იძულებით გადაადგილებულ პირთათვისთვის კიდევ 30–მდე ბინაა განსაზღვრული. სპეციალური კომისია საცხოვრებელი ფართის დევნილებისათვის გადაცემის საკითხზე, ოჯახთა საჭიროებების მიხედვით იმსჯელებს.

რუსთაველის №113–ში მდებარე კორპუსის რეაბილიტაცია 2014 წლის აპრილის თვეში დაიწყო. სამშენებლო სამუშაოები ტენდერში გამარჯვებულმა კომპანიამ შპს „სენმა“ განახორციელა. პროექტი ... »»»

ახალციხის მუნიციპალიტეტის 2016 წლის ბიუჯეტი დამტკიცებულია. დეპუტატებმა მთავარ ფინანსურ დოკუმენტს კენჭი დღეს, 17 დეკემბერს უყარეს.

სხდომას 30 დეპუტატიდან, 26 მათგანი დაესწრო. მთავარ ფინანსურ დოკუმენტს მხარი, „ნაციონალური მოძრაობის“ არცერთმა დეპუტატმა დაუჭირა.

2016 წლის ბიუჯეტის დამტკიცების გარდა, საკრებულოს სხდომაზე მომავალი წლის სოციალური დახმარების გაცემის წესიც დამტკიცდა. ამ კუთხით ფინანსურ დოკუმენტში 20 000 ლარი გაიწერა. შეიცვალა სოციალური დახმარების პაკეტი, მას ონკოლოგიურ დაავადებებზე დაფინანსება დაემატა.

ახალციხის მუნიციპალიტეტის გამგეობისა და საკრებულოს ხელმძღვანელი პირები განმარტავენ, რომ მომავალ წელს მთავარი პრიორიტეტები უცვლელი რჩება და კვლავ ინფრასტრუტურული, სოციალური და საგანმანათლებლო პროექტების განხორციელება იგეგმება. ახალციხის მუნიციპალიტეტის საკრებულოს სხდომაზე, 2016 წლის ფინანსური დოკუმენტის გარდა, მიმდინარე წლის ბიუჯეტზეც ისაუბრეს. აქ ცვლილებები სხვდსხვა პუნქტში განხორციელდა.

2016 წლის ახალციხის მუნიციპალიტეტის ბიუჯეტი 4 452 000 ლარით დამტკიცდა.

ამ დღეებში საქართველოს პარლამენტი საარჩევნო კოდექსში ცვილებების შეტანის საკითხზე მუშაობს. მიუხედავად იმისა, რომ მმართველმა კოალიციამ პირობა გასცა -2020 წლის საპარლამენტო არჩევნები პროპორციული წესით ჩაატაროს, 2016 წელს დაგეგმილი საპარლამენტო არჩევნებისთვის საკანონმდებლო ბაზას დეპუტატები -მაორიტარული და პროპორციული პრინციპით არჩევნების ჩატარებისთვის ამზადებენ.

საარჩევნო კოდექსში ცვლილებების შეტანის მიზეზი -საკონსტიტუციო სასამართლოს გადაწყვეტილება გახდა. სასამართლოს მიერ, რამდენიმე თვის წინ მიღებული დადგენილების თანახმად ქვეყნის საარჩევნო კოდექსის დღევანდელი რედაქცია კონსტიტუციის ძირითად პრინციპს ეწინააღმდეგება. საუბარი -მაჟორიტარული წესით დეპუტატების არჩევას ეხება.

ცნობილია, რომ მოსახლეობის რაოდენობის თვალსაზრისით ქვეყნის რეგიონები ერთმანეთისგან საკმაოდ განსხვავდებიან. მოსახლეობის უმრავლესობა -ქალაქებში ცხოვრობს. თუმცა, დადგენილი ადმინისტრაციული საზღვრების თანახმად ყველა მუნიციპალიტეტი დღეს თითო მაჟორიტარ დეპუტატს ირჩევს. გამოდის, რომ ერთ მაჟორიტარს ირჩევს მუნიციპალიტეტი მოსახლეობით, მაგალითად 250 000 ამომრჩეველი და სხვა მუნიციპალიტეტი 10 000 ამომრჩევლით. საკო ... »»»

გაფიცული მუშები სამუშაო ადგილებს დაუბრუნდნენ. ხელმძღვანელობამ მათ ყველა მოთხოვნა დააუკმაყოფილა.
მუშების განმარტებით, სამუშაო საათების რაოდენობა გაიზარდა, დღეში ორჯერ 15 წუთიანი შესვენება ექნებათ და დაუბრუნდათ ჩაის დალევის დროც. იმ შემთხვევაში თუ მუშებს ჯანმრთელობის პრობლემა შეექმნებათ, ერთი დღის ნაცვლად, სამი დღით სამსახურის გაცდენა შეეძლებათ.

მიღწეული შეთანხმების შემდეგ მუშები სამსახურეობრივი უფლებამოსილების განხორცილებას შეუდგნენ.

რაც შეეხება 19 მუშას, რომლებიც გარდაბანიდან არიან ხელმძღვანელობა მათ დაპირდა, რომ გარდაბანშივე დაასაქმებენ.
შეგახსენებთ, რომ კავკასიური გაზსადენის გაფართოების პროექტის ფარგლებში დასაქმებული 150 მუშა ვალეში 2 დეკემბერს გაიფიცა. ისინი შემცირებული საათებისა და ხელფასის გაზრდას, შაბათ დღეს ანაზღაურების გაორმაგებასა და კვების პირობების გაუმჯობესებას მოითხოვდნენ.