მინაძე-ჭაჭარაქის მაცხოვრებლებს სატუმბი სადგურის უფროსმა თანხის წინასწარ გადახდის გარეშე სარწყავი წყლით სარგებლობის უფლება აღარ მისცა. ფერმერების თქმით, ამ დრომდე შესაბამის ანაზღაურებას, მხოლოდ ნათესების მორწყვის შემდეგ იხდიდნენ. ადგილობრივები იმასაც აღნიშნავენ, რომ ხშირ შემთხვევაში თანხას სატუმბი სადგურის უფროსს მოგვიანებით, ნაწილ-ნაწილ აძლევდნენ, რადგან გადასახადი მაღალია და გლეხს მისი ერთდროულად გასტუმრება უჭირს. ფერმერები ადგილობრივ ხელისუფლებას დახმარებას სთხოვენ.

„მორწყვის ღირებულების გადახდასთან დაკავშირებით, მოსახლეობასთან პრობლემა არასდროს მქონია – აცხადებს მინაძის წყლის სატუმბი სადგურის უფროსი. არამ ელბაქიანი იმასაც აღნიშნავს, რომ ორი დღის წინ ახალციხის მუნიციპალიტეტის გამგებლისგან დავალება მიიღო, თანხის წინასწარ გადახდის გარეშე სარწყავი წყალი არავის მისცეს.

„ახალციხის მუნიციპალიტეტის გამგეობისგან ბრძანებას ვერ მიიღებდნენ, რადგან მსგავსი დირექტივა მელიორაციის სამსახურმა უნდა გასცეს“ – აცხადებს ახალციხის მელიორაციის სამსახურის დირექტორი. ჯემალ გიორგაძე ირწმუნება, რომ წყლით სარგებლობის უფლება მას ყველა ფერმერისთვის არ აუკრძალავს. არამ ელბაქიანს მან პი ... »»»

13 ივლისი:

სამცხე-ჯავახეთის გუბერნატორის მოადგილე ავთანდილ კაჭკაჭაშვილი დაკავებული პოსტი დატოვა. ამასთან ერთად მან განცხადება დაწერა „ქართული ოცნების“ ადიგენის რაიონული ორგანიზაციის თამჯდომარის თანამდებობიდან გადადგომის თაობაზეც. იგი პოსტების დატოვების მიზეზად, თბილისიდან ახალ შემოთავაზებებს ასახელებს. ავთანდილ კაჭკაჭაშვილი სხვა დეტალებს არ აკონკრეტებს. ავთანდილ კაჭკაჭაშვილმა სატელეფონო საუბარში განმარტავს, რომ თანამდებობებიდან წასვლით კოალიცია „ქართული ოცნება” არ დაუტოვებია. მოადგილის გადადგომაზე მცირე კომენტარი გააკეთა მხარის გუბერნატორმა. აკაკი მაჭუტაძე, კაჭკაჭაშვილის მოადგილის პოსტზე მუშაობას დადებითად აფასებს, თუმცა მისი წასვლის მიზეზებზე არ საუბრობს. ავთანდილ კაჭკაჭაშვილის თანამდებობიდან წასვლას აფასებს ადიგენის „ქართული ოცნების“ რაიონული ორგანიზაციის დამფუძნებელი და საკრებულოს ყოფილი თავმჯდომარე. ლევან ლობჯანიძისთვის კაჭკაჭაშვილის მიერ თანამდებობის დატოვება მოულოდნელი იყო, თუმცა გასაკვირი არა. ლობჯანიძე ადიგენის საკრებულოს თავმჯდომარეობიდან მისი იმპიჩმენტის წესით გადაყენებას, სწორედ კაჭკაჭაშვილს უკავშირებს. ავთანდილ კაჭკაჭაშვილი სამცხე-ჯავახეთის გუბერნატორის მოადგ ... »»»

საქართველო ციფრულ მაუწყებლობაზე პირველი ივლისიდან გადადის. მიწისზედა ანალოგური საეთერო სატელევიზიო გადამცემი სადგურები დედაქალაქის შემდეგ ქვეყნის მთელ ტერიტორიაზე ეტაპობრივად, ექვსი კვირის განმავლობაში გაითიშება. გრაფიკის მიხედვით, ახალ მაუწყებლობაზე სამცხე–ჯავახეთი 18 აგვისტოს გადავა.

ანალოგიური სატელევიზო გადამცემი სადგურების გათიშვა რეგიონებში 9 ივლისს გორიდან დაიწყება და 25 აგვისტოს ბოლნისში, ყაზბეგსა და მესტიაში დასრულდება.

კომუნიკაციების ეროვნული კომისიის ინფორმაციით, ციფრულ მაუწყებლობაზე გადასვლის რეფორმა მოსახლეობის იმ კატეგორიას ეხება, რომელიც მაუწყებლობას, ღია ეთერით ე.წ. სახლის სახურავზე დამონტაჟებული ანტენით იღებს და მის ტელევიზორს DVB-T2 სტანდარტის მხარდაჭერა არ აქვს. საზოგადოების ამ ნაწილს ციფრულ ფორმატში ღია სიგნალის მისაღებად სპეციალური მოწყობილობა - სეტ-ტოპ-ბოქსი დასჭირდება, რომელიც ძველ ტელევიზორებსაც უერთდება. ულტრათანამედროვე ტელევიზორებს ციფრული სიგნალის მისაღებად სპეციალური მოწყობილობა უკვე ჩამონტაჟებული აქვს.

ციფრულ მაუწყებლობაზე, საქართველო 17 ივნისს უნდა გადასულიყო, თუმცა თბილისში მომხდარი სტიქიის გამო პროცესი ორი კვირით ... »»»

საქართველოს სომეხთა ეპარქიის ახალგაზრდობის განყოფილების აქტივისტებმა მოაწყვეს მორიგი დახმარება დაზარალებულთათვის. განყოფილების აქტივისტები, 16 ივნისს, ეპარქიის ახალგაზრდობის განყოფილების სამუშაოთა კოორდინატორ ნინა სეროპოვასთან ერთად გამოცხადდნენ თბილისის დიდუბე-ჩუღურეთის რაიონის გამგეობაში და ეპარქიისა და „ჰაიარტუნ“ ცენტრის სახელით გადასცეს დახმარება - კვების პროდუქტები, სხვადასხვა სახის მარცვლეული, პირადი ჰიგიენის საშუალებები, ტანსაცმელი. საქართველოს სომეხთა ეპარქიის ახალგაზრდობის განყოფილება აგრძელებს მონაწილეობას საქველმოქმედო აქციაში.

საქართველოს სომეხთა ეპარქიის "ჰაიარტუნ" ცენტრის ხელმძღვანელ ლევონ ჩიდილიანის და ეპარქიის ახალგაზრდული განყოფილების დირექტორ ვალერი ბადალიანის ინიციატივით, თბილისელი ახალგაზრდების შემადგენლობით მოხალისეთა რაზმმა, 2015 წლის 15 ივნისს, მონაწილეობა მიიღო ბუნებრივი სტიქიის შედეგებისაგან ქალაქის დასუფთავების სამუშაოებში.

დილით რაზმმა თბილისის „სურბ ეჯმიაწინ“ ეკლესიაში მონაწილეობა მიიღო დაღუპულთა სულების სიმშვიდისათვის გამართულ პანაშვიდში, რომელიც აღავლინეს მღვდლებმა სამველ თოროსიანმა და ნარეკ ღუშჩიანმა. შემდეგ მოხალისეები, შეიარაღებული ნიჩბებითა და სხვა საჭირო ინვენტარით, ფეხით მივიდნენ ტრაგედიის ადგილამდე - გმირთა მოედნამდე, ლაგუნა ვერეს ტერიტორიაზე შეასრულეს გაწმენდითი სამუშაოები, ტალახისა და შლამისგან ათავისუფლებდნენ ტერიტორიას, მონაწილეობა მიიღეს გზის გახსნის საქმეში. ახალგაზრდებმა მთელი დღე იმუშავეს და გამოხატეს საქველმოქმედო აქციაში მონაწილეობის გაგრძელების მზადყოფნა.

შეგახსენებთ, რომ 2015წლის 14 ივნისს თბილისში დატრიალებული საშინელი ტრაგედიის შედეგად დაღუპლთა რიცხვმა ბოლო მონაცემებით 15-ს მიაღწია, მათ შორის ოთხი ეთნიკურად სომეხი საქართველოს მოქალაქეა - ლიან ... »»»

"ჯავახეთის მხარდაჭერის" ფონდი ღრმა მწუხარებას და ძმურ მხარდაჭერას უცხადებს ქართველ ხალხს და დაღუპულთა ოჯახებს თბილისში მომხდარ უბედურების გამო.

ძლიერი წვიმისა და სეტყვის გამო, აწყურში ცენტრალური გზა თითქმის სამი საათის განმავლობაში ჩაკეტილი იყო. ნიაღვარმა გზაზე ნაშალი მასალა ჩამოიტანა, რის გამოც მოძრაობა შეწყდა. ადგილზე მობილიზებულნი იყვნენ სამაშველო და საპატრულო პოლიციის თანამშრომლები.

მნიშვნელოვანი ზიანი მიადგა სასოფლო–სამეურნეო სავარგულებს. სტიქიამ აწყურის გარდა, ახალციხის კიდევ 7 სოფელი: კლდე, წნისი, მუგარეთი, ფერსა გიორგიწმინდა, აგარა, გურკელი და წინუბანი დაარალა. სტიქიის ზონაში იმყოფებოდნენ მხარის გუბერნატორი და მუნიციპალიტეტის გამგებელი. ზაზა მელიქიძის თქმით, უკვე შექმნილია ზარალის დამთვლელი კომისია.

სტიქია იყო ადიგენის მუნიციპალიტეტშიც. ძლიერმა სეტყვამ ნათესები და ნარგავები გაანადგურა, დახოცილია შინაური ფრინველიც. მნიშვნელოვანი ზარალი მიიღეს სოფლებმა: ლელოვანმა, სმადამ, ჩორჩანმა, ფხერომ, ზანავმა და იჯარეთმა. მუნიციპალიტეტში სტიქია დაახლოებით 16:00 საათზე დაფიქსირდა. ზარალს სპეციალურად შექმნილი კომისია შეისწავლის.

ადიგენისა და ახალციხის მუნიციპალიტეტების გარდა 11 ივნისს სტიქია ბორჯომშიც დაფიქსირდა. უხვი ნალექის გამო, მდინარე „დვირულა“ ადიდდა და სოფელ დვირს პრობლემები შეუქმნა. დატ ... »»»

საქართველოში დაბრუნებული მიგრანტებისთვის სპეციალური პროგრამა ამოქმედდება. ისინი სხვადასხვა სახის მომსახურებით ისარგებლებენ. ესენია: სამედიცინო დახმარება და მედიკამენტებით უზრუნველყოფა, ფსიქო–სოციალური რეაბილიტაცია, პროფესიული სწავლება, სოციალური პროექტების დაფინასება, ანაზღაურებადი სტაჟირება და იურიდიული დახმარება. აღნიშნულ პროგრამას ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო იწყებს, რომლის მიზანიც მიგრანტთა სამშობლოში რეინტეგრაციის ხელშეწყობაა.

ლტოლვილთა სამინისტრო, სამოქალაქო სექტორის წარმომადგენლებს პროექტის განხორციელებაში დახმარებას სთავაზობს. ამიტომ მიგრანტთა სარეინტეგრაციო დახმარების პროგრამაში არასამთავრობო ორგანიზაციებიც ჩაერთვებიან.

პროგრამის პრეზენტაცია 9 ივნისს სამხარეო ადმინისტრაციის შენობაში შედგა. შეხვედრას სამცხე–ჯავახეთის გუბერნატორი, ახალციხის მერი და მუნიციპალიტეტების გამგებლები დაესწრნენ.

აღნიშნული პროგრამა, ევროკავშირის დაფინასებით, 2011 წლიდან ხორციელდება. თუმცა წელს პირველად საქართველოში მიგრანტთა სარეინტეგრაციო მხარდაჭერისთვის, სახელმწიფო ბიუჯეტიდან 400 000 ლარამდე გამოიყ ... »»»

ახალქალაქში 22 ქუჩის რეაბილიტაცია მიმდინარეობს. სამუშაოებს დღეს მხარის გუბერნატორი აკაკი მაჭუტაძე, სამხარეო ადმინისტრაციისა და ახალქალაქის მუნიციპალიტეტის გამგეობის წარმომადგენლებთან ერთად მოინახულა.

პროექტების ფარგლებში ამ ეტაპზე გზის სავალ ნაწილზე ასფალტო-ბეტონის მეორე ფენის დაგება მიმდინარეობს, მოეწყო ტროტუარები და ბაზალტის ბორდიურები, მოწესრიგდა საკანალიზაციო ჭები, დაგეგმილია ასევე შიდა ეზოების მოწესრიგება და გაზონების მოწყობა.
სამუშაოებს შპს „არალი“ და შპს „ფრი ნესტატე: ახორციელებენ. პროექტები უმოკლეს ვადაში დასრულდება.

ორივე პროექტის განხორციელებას ადგილობრივი ბიუჯეტიდან 3 მილიონ 70 ათასი ლარი მოხმარდება. ჯამში რეაბილიტაცია ხუთკილომეტრიანი სიგრძის გზას ჩაუტარდება. შედეგად აღნიშნული უბნების კეთილმოწყობილი გზით ქალაქში მცხოვრები 11 ათასამდე მოსახლე ისარგებლებს.

ახალციხეში, რაბათის ციხეზე ლეიტენანტ შოთა ხურციძის სახელობის ჯავშანსატანკო სასწავლო ცენტრის კურსების დასრულების ცერემონიალი გაიმართა. უმცროს ოფიცერთა, ტანკის მეთაურთა და მექანიზირებულ სპეციალისტთა მსმენელებს კურსების წარმატებით დასრულება თავდაცვის მინისტრმა თინათინ ხიდაშელმა და გენერალური შტაბის უფროსმა, გენერალ-მაიორმა ვახტანგ კაპანაძემ მიულოცეს. მათ კურსდამთავრებულებს დიპლომები გადასცეს.

ცერემონია ახალციხის ციხეზე 14:00 საათზე გაიმართა, რომელსაც ადგილობრივი ხელისუფლების წარმომადგენლებიც დაესწრნენ. ღონისძიებაში მონაწილეობა მიიღო ფოლკლორულმა ანსამბლმა „მესხეთმაც“.

მანამდე კი მინისტრმა და გენერალური შტაბის უფროსმა ჯავშანსატანკო სასწავლო ცენტრი დაათვალიერეს.

3 წლიანი უმოქმედობის შემდეგ, ახალციხის მერიამ ტბის რეაბილიტაციისთვის მზადება დაიწყო. თვითმმართველობაში განმარტავენ, რომ აღდგენითი სამშოებისათვის ადგილობრივი ბიუჯეტიდან 80 ათასი ლარი გამოიყო. მის ფარგლებში ტურისტულ–გასართობი კომპლექსი ზაფხულში უკვე მზად უნდა იყოს. თუმცა მანამდე მერიის ბაზაზე ააიპ ,,ტბის“ ჩამოყალიბება იგეგმება, რომელიც შემდეგში კომპლექსს ზედამხედველობას გაუწევს. ააიპი–ს ფუნქციონირებისათვის საჭირო დოკუმენტაცია მერიის საკრებულოს უკვე გადაეგზავნა. იმისთვის, რომ ობიექტზე სამუშაოები დაიწყოს, მერიაში კიდევ ერთ დაბრკოლებას ასახელებენ. მათი ინფორმაციით, ბოლო დღეებში ადიდებულმა ფოცხოვმა სათავე–ნაგებობა, საიდანაც ტბაში წყალი ჩაედინებოდა მწყობრიდან გამოიყვანა, ამიტომ, სანამ სათავე არ მოწესრიგდება ტერიტორიაზე სამუშოების დაწყება შეფერხდება.

3 წლის წინ დახარჯული 2 მილიონი ლარის შემდეგ , ტბის ხელახალი რეაბილიტაციისათვის ამჯერად 80 ათასი ლარი გამოიყოფა. თვითმმართველობის ინფორმაციით, თანხა ძირითადად, ტურისტულ–გასართობ კომპლექსს მოხმარდება, რისთვისაც ორ ნავს ახალციხეს ბათუმის მერია გადამოსცემს. გარდა ამისა, ტბაზე განთავსდება წყლის ველოსიპედები, მოეწყობა ტურისტებისათვის კარვ ... »»»

ბორჯომის მუნიციპალიტეტის სოფელ ტაბაწყურის მოსახლეობა დახმარებას ითხოვს. ტაბაწყურის მკვიდრებისთვის, ტბა, შემოსავლის ერთადერთ წყაროს წარმოადგენს, თუმცა იგი მეხუთე წელია კერძო მესაკუთრის მმართველობაშია. ადგილობრივები ირწმუნებიან, რომ მას შემდეგ, რაც სოფლის რესურსს ვეღარ იყენებენ, მათი ეკონომიკური მდგომარეობა მკვეთრად გაუარესდა. ტაბაწყურის მაცხოვრებლები ცენტრალური ხელისუფლებისგან ლიცენზიის გაბათილებასა და თევზჭერის ნებართვას მოითხოვენ.

აკრძალვის მიუხედავად, სოფელ ტაბაწყურის ტბაზე ადგილობრივები თევზჭერას მაინც აგრძელებენ. შპს „ტბების“ დირექტორი აცხადებს, რომ თანასოფლელებს ტბის რესურსის თვითნებურად გამოყენება ეკრძალებათ. ალიხა მურადიანის თქმით, ადგილობრივები თევზჭერაზე ნებართვას მთავრობისგან კანონის შესაბამისად იმ შემთხვევაში მიიღებენ, თუ დაჭერილი თევზის 50 %–ს მეპატრონეს გადასცემენ.

„თუ უჭირთ, უნდა იმუშავოთ, მაგრამ ამ შეთავაზებაზე არ მოდიან“ – აცხადებს ტბის დირექტორი.

ტაბაწყურში არსებულ მდგომარეობას მძიმე მემკვიდრეობას უწოდებს გარემოს დაცვის მინისტრის მოადგილე. თემურ მურღულია ვერ აკონკრეტებს, თუ როგორ შეძლებს სახელმწიფო შექმნილი ვითარებიდან უმტკივნეუ ... »»»

ადგილობრივ თვითმმართველ ორგანოებთან ურთიერთობის დეპარტამენტის ახალი ხელმძღვანელი სამცხე–ჯავახეთის რწმუნებულსა და მუნიციპალიტეტების წარმომადგენლებს შეხვდა. გიორგი ამაშუკელმა გუბერნატორთან და გამგებლებთან გაცნობითი ხასიათის შეხვედრა სამხარეო ადმინისტრაციაში გამართა.

ადგილობრივ თვითმმართველ ორგანოებთან ურთიერთობის დეპარტამენტის ხელმძღვანელი რეგიონში არსებულ მდგომარეობას ადგილზე გაეცნო. მან მუნიციპალიტეტების გამგებლებისგან ინფორმაცია მიმდინარე და განსახორციელებელ ინფრასტრურქტურულ პროექტებზე მიიღო. ასევე, დაინტერესდა სოფლის მხარდაჭერის პროგრამის დეტალებით.

შეხვედრაზე აღინიშნა, რომ მთავრობის ყურადღება თითოეული რეგიონის განვითარებასა და გაძლიერებისკენაა მიმართული. გიორგი ამაშუკელის თქმით, ამ მიზნით კონკრეტული გეგმები უკვე დაისახა.

„უნიმედი სამცხის“ ყოფილი ექიმი დაწესებულების ხელმძღვანელობას უკანონოდ გათავისუფლებაში ადანაშაულებს. კობა გრიგალაშვილი, რომელიც „უნიმედი სამცხეში“ 15 წელი ქირურგად მუშაობდა ამბობს, რომ მას კონტრაქტი უკანონოდ, პირადი ინტერესების გამო შეუწყვიტეს. იგი ამტკიცებს, რომ ადმინისტრაციამ მისი სამსახურიდან გაშვება ერთადერთი მიზეზით გადაწყვიტა. ქირურგი რამდენიმე წელი ,,უნიმედი სამცხეს“ პარალელურად კლინიკა „იმედშიც“ მუშაობდა.

კობა გრიგალაშვილი საავადმყოფოში არსებულ პრობლემებზე საუბრობს და ამბობს, რომ ექიმებს მძიმე პირობებში უწევთ მუშაობა. კლინიკაში მოძველებულია აპარატურა, რომელიც ექიმებსა და პაციენტებს ხშირად გამოუვალ მდგომარეობაში აყენებს.

კითხვაზე: რატომ გაათავისუფლეს საავადმყოფოდან კობა გრიგალაშვილი? –„უნიმედი სამცხეს“ პრეს– სამსახურის განმარტებით, პასუხის მისაღებად ადმინისტრაციისთვის წერილობით მიმართვაა საჭირო, რომელსაც თან დართული ექნება კობა გრიგალაშვილის განცხადება, რომ იგი თანახმა იყო მისი პირადი საქმე გასაჯაროებულიყო. ქირურგმა განცხადების დაწერაზე უარი განაცხადა.

რეგიონის ერთ–ერთ მნიშვნელოვან კურორტზე აღდგენითი სამუშაოებისათვის თანხა მსოფლიო ბანკმა გამოყო. პროექტის განხორციელება 2016 წლიდან დაიწყება, მანამდე კი ადგილობრივები არაერთ პრობლემაზე საუბრობენ..

მწყობრიდან გამოსულია კულტურული მემკვიდრეობის სტატუსის მქონე საცხოვრებელი სახლები, დაბინძურებულია სასმელი წყალი, მოშლილია საკანალიზაციო სისტემა

წლებია, მოსახლეობას მძიმე პირობებში უწევს ცხოვრება. შესაბამისად, აქ ტურისტის მოზიდვა და დაინტერესება საკუთარი ძალისხმევით უხდებათ.

ათეული წლების შემდეგ, აბასთუმნის რეაბილიტაციისათვის თანხა მსოფლიო ბანკმა გამოყო. ინფრასტრუქტურული სამუშოები 2016 წლიდან უნდა დაიწყოს. მიმდინარე წელს კი მხოლოდ პროექტები მომზადდება.

სამცხე–ჯავახეთის გუბერნატორი განმარტავს, რომ რეაბილიტაციის ფარგლებში, აბასთუმნის ურბანული აღდგენა, წყალმომარაგების, საკანალიზაციო და საგზაო სისტემების მოწესრიგება, ასევე საბაგირო ხაზისა და ობსერვატორიის კეთილმოწყობაა დაგეგმილი.