„ახალი მემარჯვენეების" ფართომასშტაბიანი კამპანია სახელწოდებით „ქართული სოფლისათვის" გრძელდება. მის ფარგლებში ფრაქციის ერთერთი ლიდერი ფიქრია ჩიხრაძე ბორჯომისა და ასპინძის მუნიციპალიტეტების მოსახლეობას შეხვდა.
სოციალური დახმარების გაუქმება, დაზღვევის უქონლობა, სათესი მიწების საკუთრებაში გადაცემა, მცირე შემოსავლები და სხვა მსგავსი ტიპის პრობლემები სტუმრებს ბორჯომისა და ასპინძის სოფლების მაცხოვრებლებმა გააცნეს. ფრაქციის წარმომადგენებმა კი მათი პრობლემები ჩაინიშნეს. ფიქრია ჩიხრაძის თქმით, სოფლებში ბევრი გაურკვევლობაა მიწის საკუთრების, ინფრასტრუქტურისა და სოციალური თვალსაზრისით, ამიტომ აუცილებელია სოფლის შესახებ კანონი არსებობდეს.
„ქართული სოფლისათვის" ფარგლებში „ახალი მემერჯვენეების" ლიდერები საქართველოს რეგიონების ყველა სოფლების წარმომადგენლებს ხვდებიან.
კამპანია 5 თვის განმავლობაში გაგრძელდება.