წუხელ ღამით, დაახლოებით 23 საათზე, კოსტავას ქუჩაზე მცხოვრები 32 წლის მამაკაცი ბუნებრივი აირით გაიგუდა. როგორც მეზობლები ამბობენ, გარდაცვლილი სახლში მეგობართან ერთად იმყოფებოდა. სამსახურიდან დაბრუნებულ მეუღლეს სახლის კარი არავინ გაუღო, რის შემდეგაც მან დახმარება მეზობლებს სთხოვა. ისინი ბინაში ფანჯრიდან შევიდნენ. გარდაცვლილი სააბაზანოში, მისი მეგობარი კი კომპიუტერის მაგიდასთან უგონოდ მყოფი ნახეს.
შემთხვევის ადგილზე გამოძახებული იყო სამაშველო და სასწრაფო სამსახურები, ადგილზე იმყოფებოდა კრიმინალისტიკური პოლიცია. გარდაცვლილის მეგობარი ახალციხის სამედიცინო ცენტრში ,,უნიმედი სამცხეშია” გადაყვანილი. ექიმების თქმით მისი მდგომარეობა ამ დროისათვის სტაბილურია.
