ახალციხის ვაჰრამ გაიფენჯიანის სახელობის ხელოვანთა გაერთიანების სახლში, 1 ივნისს სომხეთის სახალხო არტისტის ლუსინე ზაქარიანის დაბადებიდან 75 წლის თავი აღნიშნეს . ღონისძიებას ახალციხეში მცხოვრები სომხური ეროვნების მოსახლეობასთან ერთად, ადგილობრივი ხელისუფლების წარმომადგენლები და სპეციალურად ამ დღისათვის, სომხეთიდან მოწვეული კომპოზიტორები დაესწრნენ. ლუსინე ზაქარიანი ახალციხეში დაიბადა და გაიზარდა. თუმცა თავისი მუსიკალური მოღვაწეობა სომხეთში დაიწყო. მას მსოფლიოს მრავალ ქვეყანაში 400 კონცერტი აქვს გამართული. ღონისძიებაზე ლუსინე ზაქარიანის ხსოვნას, ბევრი ყველასათვის ნაცნობი სიმღერა მიეძღვნა.
