იმუნური აფეთქება ადიგენის მუნიციპალიტეტში. სოფელ ღორძეში ა ჰეპატიტის, იგივე „ბოტკინის“ შემთხვევები დაფიქსირდა. ადგილობრივი საზოგადოებრივი ჯანდაცვის ცენტრში ამ დროისათვის დაავადების 8 შემთხვევაა დაფიქსირებული. აქედან 2 მათგანი 18–19 წლის ახალგაზრდები არიან დანარჩენები კი 6–12 წლამდე ასაკის მოზარდები.

ადიგენის საზოგადოებრივი ჯანდაცვის ცენტრმა დადგინა, რომ ინფექციის წყარო სოფელში არსებულ სასმელი წყალი არ არის და დავადება კონტაქტის გზით არის გადაცემული.

აღნიშნულის თაობაზე სოფელ ღორძეში ლაბორატორიული გამოკვლევა თბილისის დაავადებათა კონტროლის ეროვნული ცენტრის ჯგუფმა აწარმოა. სოფელში მაცხოვრებელი 41 პიროვნებიდან 11 –ს დაავადება დაუფიქსირდა, ხოლო 2 – საეჭვოა.

საზოგადოებრივი ჯანდაცვის ცენტრის ინფორმაციით, ა ჰეპატიტით დაავადებულთა მდგომარეობა დამაკმაყოფილებელია და ისინი მკურნალობას სახლის პირობებში გადიან.

ცენტრის ინფექციონისტის მაყვალა მეტრეველის განმარტებით, სოფელ ღორძეს მოსახლეობა, ამჟამად, მათი მეთვალყურეობის ქვეშ იმყოფება.