მესამე დღეა საპროტესტო გამოსვლები არ წყდება ვალის საბაჟოსთან. სამხრეთ კავკასიური გაზსადენის გაფართოების პროექტის ფარგლებში დასაქმებულები სამუშაო საათების შემცირებას აპროტესტებენ. დღეს თანამშრომლები 06:15 საათზე შეიკრიბნენ. გეგმის მიხედვით, მათ ობიექტზე ხელმძღვანელობა არ უნდა შეეშვათ. თუმცა როგორც გაფიცული თანამშრომლები აცხადებენ, უფროსების ნაწილი სამსახურში მანამდე მივიდა, სანამ აქციის მონაწილები გზას გადაკეტავდნენ.

უკვე გაიმართა ხელმძღვანელობასა და აქციის ლიდერებს შორის მოლაპარაკება. “ბეხტელ ენკა”–ს წარმომადგენლები შემცირებული სამუშაო საათების აღდგენას დაპირდნენ, თუმცა გაფიცული თანამშრომლები პოზიციების დათმობას არ აპირებენ. შესაბამისად, შეთანხმებაზე მათ უარი განუცხადეს.

თანამშრომლებს ამ ეტაპზე სამი მოთხოვნა აქვთ. ისინი შემცირებული საათებისა და ხელფასის გაზრდას, შაბათ დღეს ანაზღაურების გაორმაგებასა და კვების პირობების გაუმჯობესებას მოითხოვენ.

დღეს, 4 დეკემბერს, აქცია დაახლოებით, 14:00 საათზე დაიშალა. მუშახელი პროტესტის გამოსახატად დილიდან ისევ შეიკრიბება.
დასაქმებულთა უკმაყოფილება სამუშაო საათებისა და შესაბამისად, ანაზღაურების შემცირებამ ... »»»

ახალციხეში ,,გირჩის“ რეგიონული ოფისი გაიხსნა. ახალი პოლიტიკური ცენტრის წარმომადგენლები დღეს ადგილობრივებს შეხვდნენ და საკუთარი მიზნებისა და მუშაობის პრინციპების შესახებ ესაუბრნენ. მათი თქმით, ოფისის გახსნის მიზანია, რეგიონში უფრო მეტი ადამიანი მოიძიონ, რომლებიც შემდეგ პოლიტიკურ სფეროში აქტიურად ჩაერთვებიან. ,,გირჩის“ წარმომადგენლები ადგილობრივებს საარჩევნო სისტემასთან დაკავშირებით, ცენტრის მიერ შექმნილ ახალ მოდელზეც ესაუბრნენ. როგორც მათ განმარტეს, რამდენიმე დღის წინ, უმრალესობამ პარლამენტში ინიციატივა დაარეგისტირა, რომელიც მაჟორიტარული სისტემით მანდატების გადანაწილების ახალ წესს ეხება. პარლამენტის წევრები მიიჩნევენ, რომ აღნიშნულ წესს რამდენიმე ხარვეზი აქვს. კერძოდ, ინიციატივა ვერ აკმაყოფილებს საერთაშორისო სტანდარტებს. ასევე მასში მუნიციპალიტეტები და ქალაქები ხელოვნურად არის დაყოფილი, იმისთვის, რომ უფრო უკეთ მოერგოს მმართველი პარტიის მიზნებს – განმარტავენ ,,გირჩის“ წევრები. შესაბამისად, მათ ახალი მოდელი შექმნეს, რომლის დარეგისტრირებას, საკანონმდებლო ორგანოში, უახლოეს მომავალში გეგმავენ.

ახალციხეში, ,,გირჩის“ რიგით მეხუთე ოფისი გაიხსნა. ამ დრიოსთვის, პარტიას საკუთარი წარმ ... »»»

სოფელ არლის ტერიტორიაზე 150–მდე ადამიანი საპროტესტო აქციას მართავს. მომსახურე პერსონალის უკმაყოფილების მიზეზი, კომპანია BP–ის ქვეკონტრაქტორი კომპანია "ბეხტელ & ენკა"–ს მიერ სამუშაო საათების შემცირება გახდა. აქციის წევრები აცხადებენ, რომ ერთი საათის შემცირებამ, დაახლოებით, 200 ლარის სხვაობა გამოიწვია.

"აქამდე თუ 600 ლარს ვიღებდით, ახლა 400 ლარი ავიღეთ. ოჯახებს ვეღარ ვარჩენთ" – აცხადებენ აქციის მონაწილეები.
მათი თქმით, კომპანიის წარმომადგენლებმა, აქციის ლიდერების სიის შედგენა და ხელმძღვანელობასთან მათი შეხვედრა ითხოვეს. 30 კაციანი სიის შეგზავნის შემდეგ, კომპანიამ განუცხადა, რომ მათ კონტრაქტი დაუმთავრდათ და ობიექტზე მუშაობას აღარ გააგრძელებენ. დანარჩენებს კი განუცხადეს, რომ საათები შეუმცირდათ და მოინდომებენ თუ არა სამუშაოდ დარჩნას, ეს მათი გადასაწყვეტია.

აღნიშნულმა გაფიცულების უკმაყოფილება გამოიწვია. მათი გადაწყვეტილებით, სამუშაოებს არცერთი მათგანი დაუბრუნდება. მუშებმა ხელმძღვანელობას სამსახურში მისასვლელი გზა გადაუკეტეს.

სამხრეთ-კავკასიური გაზსადენის გაფართოების პროექტს კომპანია BP ხელმძღვანელობს. ამ დროისათვის საცხოვრებლების მშენებლობა მიმ ... »»»

წლების შემდეგ, რკინიგზის სადგურ ,,ვალეს“ მიმართულებით, პირველი სატვირთო გადაზიდვა განხორციელდა. 22 ვაგონი ქვანახში ე.წ. ,,მეორე შახტის“ დასახლებაში არსებულ ტერმინალზე დაიცალა და რამდენიმე დღეში დახარისხდება. დაახლოებით 4 800 ტონა ტვირთი, უახლოეს მომავალში, კვლავ ვალის რკინიგზის გავლით თურქეთში გაიზიდება.

აღნიშნულ პროექტს შპს ,,ულევი ტერმინალი“ ახორცილებს, კომპანიამ ადგილზე მოსამზადებელი სამუშაოები ერთი თვის წინ დაიწყო.
პირველ ეტაპზე, ვალის ტერმინალზე, მხოლოდ ქვანახშირი გადაიზიდა, მომავალში კი ტერმინალის ხელმძღვანელობა მარცვლეული კულტურისა და სხვადასხვა სავაგონო თუ საკონტეინერო გზავნილების განხორციელებას გეგმავს.

ოფიციალური ინფორმაციით, აზერბაიჯანიდან შემოტანილი ქვანახშირის თურქეთში გადასაზიდად, ხელშეკრულება ქართულ და თურქულ მხარეს შორის, მომავალ კვირას დაიდება.

ახალციხე მძლეოსნობის საერთაშორისო შეჯიბრს უმასპინძლებს. ტურნირში მონაწილეობას საქართველოს, აზერბაიჯანისა და სომხეთის გუნდები მიიღებენ.

გამოვლინდებიან საპრიზო ადგილებზე გასული მონაწილეები, რომლებსაც სიმბოლური საჩუქრები გადაეცემათ.

შეჯიბრი 18 ოქტომბერს, 12 საათზე ახალციხის მძლეოსნობის სპორტული კლუბის ორგანიზებით გაიმართება.
ტურნირს, რომელიც ცენტრალურ სტადიონზე მოეწყობა, ახალციხის მერია დააფინანსებს.

სამცხე-ჯავახეთის საპატრულო პოლიციას ახალი უფროსი ჰყავს. შინაგან საქმეთა სამინისტროს ინფორმაციით, აღნიშნული პოსტი 3 ოქტომბერს გიორგი ნასყიდაშვილმა დაიკავა. მან დავით მაღრაძე შეცვალა.

დავით მაღრაძე საპატრულო პოლიციის უფროსის მოვალეობას მას შემდეგ ასრულებდა, რაც შსს-ში საკადრო ცვლილებების შედეგად, ყოფილი უფროსი ზაალ ფუტკარაძე სამუშაოდ ქუთაისში გადავიდა.

ახალქალაქის მუნიციპალიტეტში წყალსადენი სისტემების რეაბილიტაციის ორი პროექტი სრულდება. სულდის, დადეშის, ბოზალისა და მიასნიკიანის 4 500-მდე მაცხოვრებელი სასმელ წყალს განახლებული წყალსადენით მიიღებს.

სამუშაოები სამცხე–ჯავახეთის გუბენატორმა ადგილობრივი ხელისუფლების წარმომადგენლებთან ერთად დაათვალიერა. აკაკი მაჭუტაძის თქმით, სისტემის მშენებლობა რეგიონებში განსახორციელებელი პროექტების ფონდიდან 600 ათასი ლარით დაფინანსდა. აღნიშნულის ფარგლებში ორი სათავე ნაგებობა, ოთხი წნევის დამგდები ჭა და წყალსადენის 26 კილომეტრიანი მაგისტრალი მოეწყო.
გარდა ამისა, რეგიონებში განსახორციელებელი პროექტების ფონდის დაფინანსებით მიმდინარეობს სოფელ კოთელიის 15 კილომეტრიანი წყალსადენი სისტემის რეაბილიტაციაც. მისი მშენებლობა გასულ წელს დაიწყო და ორ ეტაპად განხორციელდა. ახალი წყალსადენი მიმდებარე სოფლების 5 000-მდე მოსახლეს ხარისხიანი სასმელი წყლითა და 24 საათიანი წყალმომარაგებით უზრუნველყოფს.

ახალციხის რაიონულ სასამართლოში დღეს იმ სამი პირის პროცესი გაიმართა, რომელთაც გამოძიება, 26 ივლისს ახალქალაქში მომხდარი მკვლელობის საქმეზე, დანაშაულის შეუტყობინებლობას ედავება. სხდომის დაწყებამდე ბრალდებულების ახლობლებმა სასამართლოს მიმდებარე ტერიტორიაზე აქცია გამართეს. შეკრებილები ამბობდნენ, რომ პოლიციელების მხრიდან დაკავებულებზე არაადამიანურ მოპყრობას ჰქონდა ადგილი.

„ორი თვეა, რაც ბიჭები დაკავებულები არიან. მათ პოლიციელები სასტიკად გაუსწორდნენ. აწამეს. მათ სხეულზე უამრავი დაზიანებები აქვთ. არ ვიცით -რაში ადანაშაულებენ. რატომ სხედან ისინი ციხეში?! ჩვენი მოთხოვნა -სამართლიანობის აღდგენაა!“, -საუბრობს ერთერთი დაკავებულის ნათესავი.

პოლიციელების მხრიდან ბრალდებულების წამებაზე საუბრობს ადვოკატიც. მაიზერ ბაბლუანი ამბობს, რომ სამცხე–ჯავახეტის სამხარეო სამმართველოში იგიტიანს, ნალბანდიანსა და კარაპეტიანს ფიზიკურად გაუსწორდნენ, რაც ექსპერტიზამაც დაადასტურა. მისივე თქმით ადგილი ჰქონდა მუქარას და სიტყვიერ შეურასხყოფასაც. აღნიშნულთან დაკავშირებით პროკურაურაში გამოძიება 333–ე მუხლით მიმდინარეობს, რაც სამსახურეობრივი უფლებამოსილების გადამეტებას გულისხმობს.

„მა ... »»»

კოხტისა და მიტარბის მთებზე მსოფლიოში ერთ–ერთ წამყვანი მწარმოებლის „დოპელაიერის“ საბაგირო მონტაჟდება. სამუშაოები დღეს ეკონომიკის მინისტრმა მოინახულა. საბაგიროების მონტაჟი 2015 წლის ბოლოსთვის დასრულდება, რის შემდეგაც ტურისტრული ინფრასტრუქტურა მოეწყობა. პროექტი სახელმწიფოსა და კერძო სექტორის პარტნიორობით 118 მილიონი ლარის ფარგლებში ხორციელდება.

დიმიტრი ქუმსიშვილმა ასევე მოინახულა ტერიტორია, სადაც მრავალფუნქციური გამაჯანსაღებელი კომპლექსის მშენებლობა იგეგმება.
დღესვე უწყების პირველმა პირმა ბორჯომში, სამინისტროს შპს „მთის კურორტების განვითარების კომპანიასა“ და სასტუმრო „რიქსოს ბორჯომს“ შორის ურთიერთ თანამშრომლობის მემორანდუმი გააფორმა, რომელიც მიზნად სამთო-სათხილამურო კურორტის განვითარებასა და მის პოპულარიზაციას ისახავს.

ბორჯომის შემდეგ მინისტრი ჯავახეთში გემგზავრა. დიმიტრი ქუმსიშვილმა სოფლებში აფნიასა და საროში ახალი საკვანძო ტურისტული მარშრუტების მოწყობის შესახებ პრეზენტაცია გამართა.

ახალციხის ციხის საკონფერენციო დარბაზში „საქართველოს პერსპექტივა ევროკავშირთან ღრმა და ყოვლისმომცველი თავისუფალი ვაჭრობის შეთანხმების შესახებ“ იმსჯელეს.

რა უნდა გააკეთოს ფერმერმა იმისთვის, რომ ევროკავშირის ბაზარზე საკუთარი პროდუქციით თავი დაიმკვიდროს, რა პერსპექტივა გააჩნია საქართველოს სურსათის უვნებლობასთან დაკავშირებული საკითხების მოწესრიგების კუთხით, რა ტექნიკური ბარიერები შეიძლება შეგვხვდეს ვაჭრობის პროცესში, – ამ და სხვა საკითხებზე ქართველმა და უცხოელმა ექსპერტებმა ისაუბრეს.

შეხვედრას სოფლის მეურნეობის სამინისტროს რეგიონული სამმართველოს წარმომადგენლები, სურსათის ეროვნული სააგენტოს ადგილობრივი ხელმძღვანელობა და სოფლის მეურნეობის სფეროში მომუშავე ადამიანები დაესწრნენ.

სემინარი ახალციხეში ევროკავშირის წარმომადგენლობა საქართველოსა და პროექტის „ერთად შევეგებოთ ევროპას“ ორგანიზებით გაიმართა.

ახალციხის საჯარო სკოლებში სწავლა განახლდა. განათლების სამინისტროს გადაწყვეტილებით, უკვე მეორე წელია მოსწავლეები უფროსკლასელების მიერ გამოყენებული უფასო სახელმძღვანელოებით სარგებლობენ.

წიგნებით სრულად უზრუნველყოფილი არ არის ახალციხის სომხურენოვანი სკოლები. დირექტორთა განმარტებით, მშობლიური ენის სახელმძღვანელო დაწესებულებებს ამ დრომდე არ მიუღიათ. მათივე თქმით, მოთხოვნა აღნიშნულის შესახებ განათლების სამინისტროს დროულად გადაეცა.

საგანმანათლელო რესურსცენტრში განმარტავენ, რომ საქართველოსა და სომხეთის სამინისტროებს შორის ხელშეკრულება გაფორმებულია. წიგნების გადმოცემას სომხური მხარე აგვიანებს.

ახალციხის სკოლებში წელს 525 პირველკლასელი შევიდა. აქედან 344 მათგანი ქალაქის, 181 კი სოფლების სასწავლო დაწესებულებებმა მიიღეს. ყველა პირველკლასელს სამინისტროსგან საჩუქრად ნეთბუქები გადაეცა.

8 სექტემბერს 9 არასამთავრობო უფლებადამცველმა ორგანიზაციამ საქართველოს ხელისუფლებას ხულოს მუნიციპალიტეტის (ისლამიზირებული ქართველებითა და თურქებით დასახლებული აჭარის ავტონომიური რესპუბლიკის რეგიონი) ოფიციალურ საიტზე გამოქვეყნებულ დოკუმენტთან დაკავშირებით რეაგირების განხორციელების მოთხოვნით მიმართა.

აღნიშნული დოკუმენტის („ხულოს მუნიციპალიტეტის საკრებულოს „ქართული ოცნება-დემოკრატიული საქართველოს“ ფრაქციის თავმჯდომარის ანგარიში გაწეული მუშაობის შესახებ“) შესწავლის შემდეგ ირკვევა, რომ მასში ნამდვილად არის წარმოდგენილი ერთაშორისი შუღლის გაღვივებისა და არმენოფობიის ელემენტები.

დოკუმენტში, სხვა თემებთან ერთად ქვეყნის ყოფილი პრეზიდენტი -სააკაშვილი არის ნახსენები, რომელსაც, აშკარა ნეგატიური კონტექსტით სომეხ ერთან აკავშირებენ.

„...თუმცა იმის ჭკუა კი აქვს სომეხ სააკას გარედან მაყურებლის პოზიციიდან შეხედოს მის მიერვე მოკლული ზურაბ ჟვანიას საქმეს, უდანაშაულოდ ჩახოცილი აფრასიძეების საქმეს, ქუჩაში არაკაცურად მოკლული გურამ შარაძის საქმეს, ასევე ქუჩაში ასორმოცდაათამდე მოკლული ბიჭების საქმეებს, შვილმოკლული მამის, შვილის საფლავზე აფეთქების საქმეს, ე.წ. ,,ნავთლუღის ... »»»

2-3 სექტემბერს ოკუპირებულ აფხაზეთში თურქული ოფიციალური დელეგაციის მორიგე ვიზიტი გაიმართა. ამჯერად საქართველოს სტრატეგიულმა პარტნირმა -თურქეთმა, აფხაზეთის ხელისუფლებასთან შესახვედრად გუბერნატორი და ქალაქ იზმიტის ადმინისტრაციის ხელმძღვანელი გააგზავნა.

ოკუპირებული აფხაზეთის ხელისუფლებასთან შეხვედრისას თურქული ოფიციალური დელეგაციის წევრები ძმობაზე და თანამშრომლობის სამომავლო გაღრმავებაზე საუბრობდნენ.

„ქოჯაელის პროვინციის გუბერნატორის თქმით, ის აფხაზეთში თავს ისე გრძნობს, როგორც საკუთარ ძმებთან. იბრაჰიმ ქარაოსმანოღლუმ მისი პროვინციის და ქალაქ ოჩამჩირის დამეგობრების სურვილი გამოთქვა და ოჩამჩირის ადმინისტრაციის ხელმძღვანელები 29 ოქტომბერს რესპუბლიკის დღესთან დაკავშირებით თურქეთში მიიწვია“, -ნათქვამია აფხაზური მედიის მიერ გავრცელებულ რელიზში.

საქართველოს კანონმდებლობის შესაბამისად სტრატეგიული პარტნიორის სოხუმში ამ არალეგალური ვიზიტის შესახებ ინფორმაციის გავრცელების თანავე ქართული მხარე, კვლავ, დილემის წინაშე დადგა.

დილემა კი იმაში მდგომარეობს, რომ ჩვენი სახელმწიფო, შესაძლებელია საკუთარი სურვილის და მიუხედავად, თურქეთს -სტრატეგიული პარტნორი ... »»»

8 აგვისტოს 14:00 საათზე, ვალ. გუნიას სახელობის თეატრალურ ხელოვანთა ახალგაზრდული კავშირის (YTA UNION) ინიციატივით და ახალციხის დემოკრატიული ჩართულობის ცეტრის ორგანიზებით გაიმართაა შეხვედრა UNESCO-ს „მონაწილეობის პროგრამის“ ფარგლებში -„მრავალფეროვანი საქართველო - სამოქალაქო საზოგადოების პლატფორმა კულტურული მრავალფეროვნების ფორმირებისათვის – „ კულტურული თვითგამოხატვის მრავალფეროვნების დაცვისა და ხელშეწყობის შესახებ“ შემუშავდა კონვენციის იმპლემენტაციისათვის რეკომენდაციების პაკეტი“.

ვალერიან გუნიას სახ. თეატრალურ ხელოვანთა ახალგაზრდული კავშირი (YTA UNION) ევროპის სახლთან თანამშრომლობით UNESCO-ს 2014-2015 წლების “მონაწილეობის პროგრამის” ფარგლებში იწყებს პროექტს „მრავალფეროვანი საქართველო - სამოქალაქო საზოგადოების პლატფორმა კულტურული მრავალფეროვნების ფორმირებისათვის - „კულტურული თვითგამოხატვის მრავალფეროვნების დაცვისა და ხელშეწყობის შესახებ“ კონვენციის იმპლემენტაციისათვის არასამთავრობო სექტორის რეკომენდაციების პაკეტის შემუშავება".

პროექტის მიზანია UNESCO-ს 2005 წლის კონვენციის პოპულარიზაცია, მისი რატიფიცირების შედეგად საქართველოს სახელმწიფოს ვალდებულებათა და პასუხ ... »»»

ახალციხის მუნიციპალიტეტის სოფელ ჭაჭარაქთან, მტკვარში დაკარგული სამი ახალგაზრდა გარდაცვლილი იპოვეს. მათ შორის ერთი მათგანი ჭაჭარაქში სტუმრად იმყოფებოდა, ხოლო დანარჩენი ორი, ჭაჭარაქის მკვიდრი და-ძმანი არიან. მათი ასაკი 19, 20 და 22 წელია.
მაშველებმა მდინარიდან, თავდაპირველად, ახალგაზრდა მამაკაცის, შემდეგ კი გოგონების ცხედრები ამოიყვანეს.

შემთხვევა დღეს, 23 ივლისს, დაახლოებით, 18:00 საათზე მოხდა. საბანაოდ შესული ექვსი ახალგაზრდა მდინარეში ღრმად შევიდა. ისინი წყალში ჩავარდნენ. სამმა მათგანმა ნაპირზე გამოსვლა უვნებლად მოახერხა, სამი კი მტკვარმა წაიღო.

სამაშველო სამსახურის თანამშრომლებმა ცხედრები შემთხვევიდან, დაახლოებით, 20 წუთში იპოვეს.

"ცურვა არცერთმა ვიცოდით. მდინარეში საბანაოდ შევედით, რომელიც ერთ ადგილზე ღრმა აღმოჩნდა და წყალში ჩავცვივდით. სამი მდინარემ გაიტაცა, ჩვენ ხელის ჩაკიდება მოვასწარით და ნაპირამდე ასე გამოვედით. სულ ექვსნი ვიყავით " - ჰყვება ჭაჭარაქის მკვიდრი ა. ი.
გარდაცვლილები ახალციხის რაიონულ პროზექტურაში გადაასვენეს.