ცენტრალურმა საარჩევნო კომისიამ 2014 წლის თვითმმართველობის არჩევნების წინასწარი მონაცემები გამოაქვეყნა. ცესკოს ინფორმაციის მიხედვით ახალციხეში ქალაქის მერი კოლიცია „ქართული ოცნების“ კანდიდატი ამომრჩეველთა ხმათა უმრავლესობით გიორგი კოპაძე გახდა. ქალაქში არსებული 13 უბნიდან მონაცემები ამ დროისათვის ყველა მათგანზე დათვლილია. ახალციხეში პროპორციული სიით პარტიამ ამომრჩეველთა 57.44% მიიღო. ახალციხის მოსახლეობის ხმები მერობის კანდიდატებზე ასე გადანაწილდა.

გიორგი კოპაძე – კოლიცია „ქართული ოცნება“ 60.44 %

გელა დემეტრაძე – „ერთიანი ნაციონალური მოძრაობა“ 31.03 %

ზაზა ნათენაძე – „ნინო ბურჯანაძე ერთიანი ოპოზიცია“ 4.38 %

გოჩა ათოშვილი – „სალომე ზურაბიშვილი – საქართველოს გზა“ 4.15 %

ახალციხის მუნიციპალიტეტის გამგებლი კი ხმათა უმრავლესობით, ასევე ქართული ოცნების წარმომადგენელი ზაზა მელიქიძე გახდა. პროპორციული სიისთ პარტიამ 59.82 % – ით გაიმარჯვა. მუნიციპალიტეტში არსებული 22 უბნიდან რაოდენობა დადგენილია 21 უბნის მიხედვით. ცესკოს მონაცემებით ამომრჩეველთა ხმები გამგებლობის 5 კანდიდატზე ასე გადანაწილდა:

ზაზა მელიქიძე – კოლიცია ქართული ოცნება 59.7 %

გოჩა გვარამაძე – ერთიანი ნაციონალური მოძრაობა – 32.16 %

მამუკა გოგოლაძე – დავით თარხან მოურავი – საქართველოს პატრიოტთა ალიანსი – 4.33 %

ოლეგ ძოწენიძე – „ნინო ბურჯანაძე – ერთიანი ოპოზიცია“ 2. 5 %

ბახვა გელაშვილი – „არასაპარლამენტო ოპოზიცია“ 1. 31 %

თვითმმართველობის არჩევნებში ადიგენის გამგებლობისთვის სამი კანდიდატი იბრძოდა. აქ ხმათა უმრავლესობით „ქართული ოცნების“ კანდიდატმა გაიმარჯვა. პროპორციული სიით მუნიციპალიტეტში კოალიციამ უპირატესობა ხმათა 57.73% –ით მოიპოვა. ცესკოს ვებ–გვერდზე არსებული ინფორმაცის მიხედვით, სადაც 18 უბნიდან 15 უბნის მონაცემებია განთავსებული. ამომრჩეველთა ხმები ასე გადანაწილდა.

ზაქარია ენდელაძე – „კოლიცია ქართული ოცნება – 58.93 %

სიმონ პარუნაშვილი „ერთიანი ნაციონალური მოძრაობა“ – 31.46 %

თამაზ მწყერაშვილი – ნინო ბურჯანაძე ერთიანი ოპოზიცია – 9,61 %

ასპინძის მუნიციპალიტეტის გამგებლის თანამდებობაზე რჩება ოცნების წარმომადგენელი ლევან ცაბაძე. მან ამომრჩეველთა ხმების უმრავლესობა მიიღო. კოალიციამ ასევე გამარჯვება მოიპოვა პროპორციული სიის მიხედვით. აქ „ქართულ ოცნებას“ მხარი ამომრჩეველთა 53. 41 %– მა დაუჭირა. ცესკოს ინფორმაციით, ამ დროისათვის მონაცემები 21 უბნიდან არის შესული. სულ მუნიციპალიტეტში 23 საარჩევნო უბანია. ასპინძის მუნიციპალიტეტში კენჭისყრის შედეგები ასე გადანაწილდა:

ლევან ცაბაძე – „კოალიცია ქართული ოცნება „ 53.04 %

ბესიკ ბექაური – ერთიანი ნაციონალური მოძრაობა 33.69 %

გელა ლეკიშვილი – ნინო ბურჯანაძე ერთიანი იპოზიცია 11.39 %

ნიკოლოზ ბერიძე – არასაპარლამენტო ოპოზიცია – 1. 88 %

ცენტრალური საარჩევნო კომისია ამ დრომდე მუშაობს მაჟორიტარული სიით ხმათა რაოდენობის შედეგებზე. 2014 წლის თვითმმართველობის არჩევნებში მონაწილეობა სამცხე–ჯავახეთის მასშტაბით ამომრჩეველთა 51 % –მა მიიღო. აქედან მოსახლეობის აქტივობამ 50.53 % შეადგინა ახალციხეში, ადიგენში – 58.27 %, ხოლო ასპინძაში 68.95 %.