ახალციხეში, სამხარეო ადმინისტრაციის შენობასთან 40 –მდე ადამიანმა აქცია გამართა. ნინოწმინდის მუნიციპალიტეტის მოსახლეობა სამცხე–ჯავახეთში პრეზიდენტის სახელმწიფო რწმუნებულთან ითხოვდა შეხვედრას. როგორც ჯავახეთის მაცხოვრებლები ამბობენ, მათ პრობლემები სასოფლო–სამეურნეო მიწასთან დაკავშირებით შეექმნათ. სოფელ როდიონოვკის მაცხოვრებლები აცხადებენ, რომ მათ ფარავნის ტბასთან ახლოს მდებარე მიწის ნაკვეთი საკუთარ სარგებლობაში წლების მანძილზე ჰქონდათ, თუმცა 3 დღის წინ 2–მა ადამიანმა ადგილობრივებს, დოკუმენტი წარუდგინა, რომლის თანახმადაც, აღნიშნული მიწის ნაკვეთი მათ არენდით აქვთ აღებული და მოსახლეობას მისი გამოყენების უფლება არ აქვს. აქციის მონაწილეები შეხვედრას ითხოვენ სახელმწიფო რწმუნებულთან, მათი თქმით აღნიშნულ დოკუმენტში, რომელიც მათ წარუდგინეს, სახელმწიფოსგან ნებართვა არ იყო.

22 მეტრი სიმაღლის მინარეთი და მის გარშემო გაჩენილი გაურკვევლობა–ადიგენის მუნიციპალიტეტის სოფელ ჭელაში მეჩეთის გვერდით ისლამის მიმდევრებმა მინარეთი დადგეს. დასახლების მუსლიმი მაცხოვრებლები ირწმუნებიან, რომ აღნიშნული ქმედებით ისინი ქრისტიანი მეზობლების უფლებებს არ შეზღუდავენ, რადგან ამ ადგილიდან არც მოლა დაიწყებს მორწმუნეთა ლოცვისკენ მოწოდებას და არც ხმის გამაძლიერებლებით შეწუხდება ვინმე. 22 მეტრი სიგრძის მინარეთი საქართველოში თურქეთიდან შემოიტანეს. ჭელის მუსლიმი მაცხოვრებლები ამ ფაქტს იმით ხსნიან, რომ საქართველოში მისი დამზადება არ მოხერხდებოდა. კითხვაზე გამოიწვევს თუ არა ეს ფაქტი დაპირისპირებას ორი სარწმუნოების ადამიანებს შორის, ადგილობრივები გამორიცხავენ, რადგან ქრისტიანებთან ერთად ისინი უკვე წლებია ცხოვრობენ, თუმცა რაიმე სახის შელაპარაკება მათ შორის არასოდეს მომხდარა. ადგილობრივი მართლმადიდებლები კი, კითხვაზე – არის თუ არა რელიგიურ ნიადაგზე მათსა და ისლამის მიმდევრებს შორის დაპირისპირება, პასუხის გაცემისგან თავს იკავებენ. ფიქრობენ, რომ ეს თემა საჯაროდ არ უნდა განიხილებოდეს. სოფელ ჭელაში მინარეთის დადგმას უკანონოს უწოდებს ადიგენის მუნციპალიტეტის მაჟორიტარი დეპუტატი. ზურაბ ჩილინგარაშ ... »»»